Ирандык Etemad басылмасынын маалыматына караганда, 14-июнга карата Израилдин Ирандын аймагындагы аба соккуларынан каза болгондордун саны 120дан ашты. Түшкө чейин кеминде 128 адам өлүп, 900гө жакыны жарадар болгону, анын ичинде карапайым тургундар да бар экени кабарланган. Бул маалыматтарды Ирандын Саламаттык сактоо министрлиги билдирди.
Рейтер агенттиги Перс булуңундагы булактарга таянып, Ирандын кеминде 14 ядролук окумуштуусу Тегерандагы Израилдин армиясынын чабуулунан курман болгондордун арасында болгонун билдирди. Алардын айрымдары, агенттиктин маалыматына караганда, унааларга орнотулган жардыргыч заттардан каза болгон.
