Кара-Суу районундагы «Тураталы» базарынын соодагерлери контролдук-кассалык аппаратты колдонуудан бошотулат. Бул тууралуу Мамлекеттик салык кызматы билдирди.
Бүгүн митингге чыккан ишкерлер менен сүйлөшүү жүргүзүлүп, анда «Тураталы» базары өзгөчө салык тартиби менен иш алып барары макулдашылды. Алар кассалык аппараттарды жана эсеп-фактурасын колдонуудан бошотулары айтылды.
«Тураталы» жана «Дордой» базары стратегиялык объекттердин катарына кирет, андыктан өзгөчө режим менен иштей алат», — дейт Мамлекеттик салык кызматы.
Эскерте кетсек, жаңы жылдан тарта ишкерликтин 12 түрүнө патент жоюлат. Соодагерлер бирдиктүү салык режимин тандап, кассалык аппараттарды орнотушу зарыл.
Биздин Телеграм каналга катталыңыз
