Синтетикалык баңгизатты ири өлчөмдө сатууга шектелип кыргызстандык 7 жаран кармалды. Бул тууралуу УКМК билдирди.

Атайын кызмат ыкчам издөө ишинин натыйжасында эл аралык трансулуттук баңгизат тобунун кылмыштуу ишмердигине бөгөт койду.

Шектүү катары 7 жаран кармалды. Алардан 44 кг 420 гр синтетикалык баңгизат алынган. Алардын баасы 266 млн 520 миң сомду түзөт. Мындан тышкары 3 нарколаборатория аныкталган.

УКМК синтетикалык баңгизаттарды сатууда жана таратууда 30 жашка чейинки жаштар активдүү катышып жатышканын билдирди. Мындай кылмыш жасагандар кылмыш жоопкерчилигине тартылат жана мүлкүн конфискациялоо менен 5 жылдан 15 жылга чейин эркинен ажыратуу менен жазаланат.