Кыргыз эл жазуучусу Төлөгөн Касымбековдун ысымы Бишкек шаардык борбордук китепканага ыйгарылат. Бул боюнча чечим Министрлер кабинетинин көрүнүктүү ишмерлеринин элесин түбөлүккө калтыруу боюнча комиссиянын жыйынында кабыл алынды.

Эл артисти, ЮНЕСКОнун “Салттуу музыканы сактоого кошкон салымы үчүн” атайын номинациясынын лауреаты, комузчу жана композитор Нурак Абдрахмановдун ысымы Бишкек шаарындагы № 5 балдар искусство мектебине  берилет.

Ал эми Бишкек шаарындагы № 100 мектеби Эл акыны Байдылда Сарногоевдин атында аталат.

Бишкек шаардык № 1 клиникалык ооруканасына Борбор Азиядагы биринчи аял-хирург, медицина илимдеринин доктору, профессор, академик Какиш Рыскулованын ысымы ыйгарылат.