Кечээ, 18-майда болгон катуу шамалдын кесепетинен Нарын жана Ысык-Көл облустарында турак жайлар, социалдык обьектилер, трансформаторлор жабыркап, бак-дарактар кулаган. Бул тууралуу ӨКМ билдирди.
Маалыматта айтылгандай, катуу шамалдан Ысык-Көл облусунда 5 көп кабаттуу турак үй, 217 турак үй, 17 социалдык объект, 127 чарба курулуштар, 3 даана унаа, 26 трансформатор жабыркаган жана 139 бак кулаган.
Ал эми Нарын облусунда 30 турак үй, 43 сарай, 1 маданият үй, 1 дүкөн, 1 мектеп, 5 короо (навес), 7 дубал, 1 цех жабыркаган.
ӨКМ бүгүн, 19-майда да айрым жерлерде тактоо иштери жүрүп жаткандыгын билдирди.
