Агартуу министри Догдуркүл Кендирбаева жаңы муундагы окуу китептерин даярдоо маселелери боюнча жумушчу жыйын өткөрдү. Бул тууралуу Агартуу министрлиги билдирди.

Жыйынга «Окуу китеби» басма үйүнүн, Билим берүү академиясынын кызматкерлери жана министрдин орун басарларынын катышкан.

Жыйында жаңы муундагы «Математика», «Табият таануу» окуу китептерин даярдоо, басып чыгаруу маселелери каралган. Анда окуу китептеринин мазмуну, тили жана визуалдык чечимдери боюнча бир катар эскертүүлөр жана методикалык сунуштар айтылган.

Министр сапаты жогору жана баланын жаш өзгөчөлүгүнө ылайыкталган окуу материалдарын иштеп чыгуу маанилүү экенин баса белгилеген.