Ысык-Көл облусундагы Каракол аба майданынын курулуш иштери 90 пайызга аяктап калды. Бул тууралуу маалымат жыйында «Манас» эл аралык аэропорту» ААКсынын жетекчиси Манас Самидинов билдирди.
Анын айтымында, аэропорт күзүндө ишке берилет.
Андан тышкары, Нарын, Казарман жана Кербен аба майдандарынын дагы оңдоо иштери аяктап, ачылууга даяр.
Компания Тамчынын аэровокзалын кеңейтүүнү пландоодо.
Оштогу аэропорт азырынча ордунан жылбайт. Анын дагы аэровокзалы 2 миң чарчы метрге кеңейет.
