Жергиликтүү кеңештердин депутаттарынын санын көбөйтүү сунушталууда. Мыйзам долбоорун Жогорку Кеңештин депутаты Марлен Маматалиев демилгелеп, коомдук талкууга чыгарды.

Өлкөдөгү административдик-аймактык реформага байланыштуу Бишкек, Ош жана айылдык кеңештердеги мандаттардын санын ал аймактын тургундарынын санына карата бекитүү киргизилүүдө.

Марлен Маматалиев төмөнкү өзгөрүүнү сунуштайт:

• Бишкек, Ош шаарларынын кеңештери: 50 000ге чейин – 45 депутат, андан ашык – 51 депутат;
• Шаардык жана айылдык кеңештер: 6000ге чейин – 11 депутат, андан ашса – 21 депутат, 20001ден 70 000ге чейин – 31 депутат, 70 001ден тартып жана андан ашык – 41 депутат.

Бишкектин мэри Айбек Жунушалиев калаа кеңейгенден кийин анын калкынын саны 2 миллионго жетерин айткан. Демек шаардык кеңештин депутаттарынын саны алтыга көбөйөт.

Белгилей кетсек, күзүндө бардык аймактык кеңештер мөөнөтүнөн мурда таркатылып, өлкө боюнча ири шайлоо өтөт.

https://reporter.kg/kyzyndo-shaardyk-zhana-ajyldyk-keneshterdin-baaryna-shajloo-otot/