Кичи Чүй каналынан белгисиз адамдын жансыз денеси табылды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, Чүй облусунун Аламүдүн районуна караштуу Маевка айылында Кичи Чүй каналынан белгисиз адамдын жансыз денеси табылган. Ал жерге барган ӨКМнын кызматкерлери 60-65 жаш курактагы азиат улутундагы эркек кишинин жансыз денесин суудан чыгарып, милиция кызматкерлерине өткөрүп беришкен.
