Кирпик жасатуу көздүн саламаттыгына терс таасирин тийгизип, кээ бир учурларда көрүүнүн толук жоголушуна алып келет, деп жазат gazeta.ru.
Офтальмолог жана медицина илимдеринин кандидаты Владимир Агеевдин айтымында, кирпик узартуу кабактын терисин жабыркатат жана сезгенүү процесстеринин пайда болушуна алып келиши мүмкүн.
«Кирпиктерди бекитүүчү клей өзгөчө кооптуу. Ал көздүн көңдөйүнө киргенде кератитти пайда кылат – көздүн кабыгынын (көз алмасынын тунук сырткы бөлүгү) кыжырдануусун жана сезгенүүсүн пайда кылат. Мындан улам көздүн кабыгы жана көрүүсү төмөндөйт, ал эми кээ бир учурларда анын толук жоголуп кетиши мүмкүн. Эгер кератитке шектенсе, мүмкүн болушунча тезирээк офтальмологдун жардамына кайрылуу керек», — деп эскертти дарыгер.
Эксперт ошондой эле кирпик узартуучу материал кабактын кирпиктүү четине зыян келтириши мүмкүн экенин белгиледи. Натыйжада көздүн алмасын жаап турган жаш аккан пленканы түзгөн майда бездердин иши бузулат. Ушундан улам көз алмасынын кабыкчасын нымдап турган көздөн жаш агызуучу суюктуктун көлөмү азаят, былжыр чел үзгүлтүксүз кургай баштайт, бул акырында кургак көз синдромуна алып келет.
Биздин Телеграм каналга катталыңыз
