Нарын облусуна караштуу Кочкор районунун Кара-Күңгөй айылынын жашоочулары айыл имамы Кумарбек Керембаевдин бир жылдык айлык акысын чогултуп беришти. Бул тууралуу Муфтияттан билдиришти.
Маалыматка караганда, айыл тургундары бир чечимге келишип, ар бир түтүндөн 1000 сомдон акча чогултушкан. Чогулган жалпы сумма 246 000 сомду түзүп, жыйналган акчаны айыл имамы Кумабек Керембаевге 2025-жылдын бир жылдык эмгек акысы кылып тапшырып беришти.
Кумарбек Керембаев Кара-Күңгөй айылында 2016-жылдан бери имамдык кызматты аркалап келет. Анын эмгегине ыраазы болгон эл 2024-жылдан бери имамдын айлыгын бере башташкан. Өткөн жылдын январь айында 249 000 сом чогултуп беришкен.
Биздин Телеграм каналга катталыңыз
