Кочкор районунда жөө жүргүнчүнү өлтүрө сүзүп качкан айдоочу кармалды. Бул тууралуу Жол кыймылынын коопсуздугун камсыз кылган башкы башкармалыгынан кабарлашты.
Маалыматта караганда, 5-январда саат 22:15 чамасында Кочкор — Арал авто жолунун 22-чакырымында белгисиз унаа белгисиз жаранды сүзүп, окуя болгон жерден из жашырып кеткен. Жол кырсыгынан 35-40 жаштар чамасындагы азият түспөлүндөгү жаран окуя болгон жерден көз жумган.
Бул факты боюнча ЖКККББнын издөө бөлүмү жана Нарын ОИИБ боюнча ЖККБнын кызматкерлери ыкчам издөө иш-чараларын жүргүзүп, кылмышка шектүү катары “Schmitz PR 24 (Howo)” үлгүсүндөгү оор жүк ташуучу унаанын 1995-жылы туулган Б.у.А. аттуу айдоочусу кармалган.
ИИМдин ЖКККББсы айдоочуларга кайрылып, жол унаа кырсыгына себепкер болуп, окуя болгон жерден из жашырып кеткен айдоочуларга карата Кылмыш-жаза кодексинде жоопкерчилик каралгандыгын эскертип, андай учурда “102” кызматына кабарлоого чакырат.
Биздин Телеграм каналга катталыңыз
