3-5-июль күндөрү өлкөнүн көпчүлүк аймактарында күндүн катуу ысышы күтүлөт. Бул тууралуу ӨКМ билдирди.
Маалыматка ылайык, абанын температурасы жогорулап, күндүз Чүй өрөөнүндө 35…40 градуска, Ош, Жалал-Абад, Баткен облустарынын өрөөндөрүндө 36…41°ка чейин, ал эми Талас облусунда 33…38 грдус жогорулашы мүмкүн.
ӨКМ мындай кургак ысык аба ырайы учурунда чаңкоону кандырып, ысык өткөрүп алуудан сактануу үчүн күндүз күн ачык жерлерде көпкө жүрбөөнү, ошондой эле айыл чарба өсүмдүктөрүн кеңири сугарууну сунуштады.
