Россия Жеңиш майрамы учурунда ок атышууну токтотууга макул болду, бирок Украина позицияларына же объектилерине кол салса, дароо жооп берилерин президенттин басма сөз катчысы Дмитрий Песков билдирди.
“Орус тарап май айындагы майрамдарда ок атышууну токтотууга даяр, бирок Украина тараптан чабуулдар боло турган болсо, дароо адекваттуу аскерий жооп кайтарылмакчы”,-деп жазды ТАСС агенттиги.
Песков президент Путиндин майрам күндөрү убактылуу ок атышпоо демилгеси актуалдуу бойдон калганын жана тиешелүү тапшырмаларды буга чейин Россиянын Жогорку башкы командачысы бергенин баса белгиледи.
Ал кошумчалагандай, ок атышууну токтотуу сунуштары күчүндө кала берет, бирок Киевден азырынча эч кандай реакция келе элек.
Басма сөз катчынын айтымында, Украинанын өкүлдөрү да, өлкө жетекчилиги да майрамдык элдешүүнү колдоого даярдыгы тууралуу эч кандай билдирүү жасашкан эмес. Песков украин тараптан жооп болбогонуна өкүнүчүн билдирди.
Москва бул мөөнөткө ок атышууну токтотууну жарыялап, 7-8-майдан 10-майдан 11-майга чейин Москва убактысы боюнча саат 0:00дөн 0:00гө чейин согуштук аракеттерди токтотуу ниетин билдирди. Владимир Зеленский Владимир Путиндин Жеңиштин 80 жылдыгынын урматына 7-9-майга чейин ок атышпоо жарыялоо сунушун четке какты.
