Бишкек ЖЭБинде абал турукташып, шаарга жылуулук үзгүлтүксүз берилет. Бул тууралуу мэрия билдирди.

Муниципалитет энергетикалык объекттердин баары штаттык режимде иштеп жатканын маалымдайт.

Шаардагы ишканаларда күчөтүлгөн режимде нөөмөт уюштурулат. Андан тышкары, социалдык объектилер жана алардагы жылуулук режими  көзөмөлгө алынат.

Мэрия коомдук транспорттун үзгүлтүксүз иштерин убадалады.

“Тазалык” муниципалдык ишканасына жолдорду жана тротуарларды кардан жана муздан тазалоо иштерин өз убагында жана сапаттуу жүргүзүү тапшырылды.

Белгилей кетсек, 17-18-февралда абанын температурасы төмөндөйт, айрым аймактарда -25 градуска чейин суутат.