«Кыргызстан» фракциясынан депутат Бейшеналы Нурдинов коронавирус жуктуруп алганын ачык айткан жалгыз эл өкүлү.
«Учурда депутат Бакыт Төрөбаевден жана башка фракциялардын депутаттарына коронавирус жукканы тууралуу маалыматтар талкууланып жатат. Ал эми «Кыргызстан» фракциясы алгачкылардан болуп өзүнүн кесиптешинен вирус аныкталганын моюнуна алды. Аталган фракциянын бардык эл өкүлдөрү жана андагы кошумча кызматкерлер коронавируска карата тест тапшырышты», — деп маалымдашты аталган фракциядан.
Белгилей кетсек, 18-июнда парламенттин басма сөз кызматынын жетекчиси Ибраим Нуракун уулунан COVID-19 инфекциясы аныкталган. 19-июнда «Кыргызстан» парламенттик фракциясынан депутат Бейшеналы Нурдиновдон илдет аныкталган.
