Кыргызстан улуттук экспонаттарын Германиянын борбору Берлин шаарындагы Этнологиялык музейге белек катары тапшырды. Бул тууралуу ТИМ билдирди.
Экспонаттарга кыргыздын улуттук кийимдери, кийизден, жыгачтан жана териден жасалган турмуш-тиричилик буюмдары, “Манас” эпосу тууралуу китептер кирген.
«Этнологиялык музейде аталган кыргыз улуттук буюмдарынын жайгашышы борбор калаанын тургундарына жана көптөгөн туристтерине Кыргызстандын бай маданий мурастары, тарыхы жана салттары менен кеңири тааныштырууга өбөлгө түзөт»,- деп айтылат маалыматта.
