Тышкы иштер министрлиги Кыргызстандын жарандарын Орусиянын үч аймагына барбай турууга чакырат. Бул тууралуу мекеменин маалымат кызматы билдирди.

Курск, Брянск жана Белгород облустарындагы кыргызстандыктар (+7 (925) 2855047, +7 (925) 1155047) элчилик менен байланышып, жардам ала алышат.

Белгилей кетсек, Орусиянын үч облусунда өзгөчө кырдаалдар режими киргизилди. Украинанын аскерлери аталган аймактарды аткылап, Курсктун бир нече айылын басып алды.

Тышкы иштер министрлигинин маалыматында, Курск облусунда 200гө жакын кыргыз жараны бар.