2025-жылдын 20-октябрынан 10-ноябрына чейин Кыргызстанда айыл чарба каттоосу өтөт.
Улуттук статистикалык комитеттин маалыматына ылайык, каттоо өлкөнүн айыл чарба тармагынын учурдагы абалы боюнча так жана толук маалымат алууга багытталган.

Каржылоо:

• Республикалык бюджеттен 277,7 млн сом бөлүндү;
• БУУнун Азык-түлүк жана айыл чарба уюму тарабынан кошумча 55 миң доллар колдоо көрсөтүлдү.

Ишке тартылгандар:

• 1179 эсепчи – 2025-жылдын 15-майынан 15-июнуна чейин чарба субъекттеринин тизмесин такташкан;
• 4494 эл каттоочу – 20-октябрдан 10-ноябрга чейин маалымат чогултат;
• 898 инструктор-көзөмөлчү – 1,5 ай каттоонун сапатына көз салат;
• 220 координатор – уюштуруучулук колдоо көрсөтөт.

“Каражаттын басымдуу бөлүгү каттоого тартылган кызматкерлердин эмгек акысын төлөөгө жумшалат, калган бөлүгү иш-чараны уюштурууга жана өткөрүүгө сарпталат”,-деп айтылат Статкомитеттин билдирүүсүндө.