Кыргыз тилинде «Илбирс. Мөңгүдөгү издер» аттуу анимациялык мультфильм тартылды. Ал NABU Кыргызстан уюмунун колдоосу менен «Central Asia Film» студиясы тарабынан режиссёр Айбек Дайырбековдун жетекчилигинде даярдалган.

Мультфильм илбирстин жашоо чөйрөсү, мыйзамсыз аңчылык жана экологиялык көйгөйлөрдү чагылдырып, сейрек жаныбарды сактоо маселесине коомчулуктун көңүлүн бурууну көздөйт.

Жабык көрсөтүү Бишкек жана Ош шаарларында өтүп, Кыргыз тил күнүнө арналды. Катышуучулар мультфильмдин кыргыз тилинде тартылганын, балдардын аң-сезимине оң таасир этерин белгилешти.

Учурда мультфильмди жалпы коомчулукка көрсөтүүгө даярдоо иштери жүрүп жатат.