Президенттин маалымат катчысы Аскат Алагөзов социалдык тармактарда тарап жаткан “мамлекет аз пайыз менен карыз берет” деген жарнаманы төгүндү.

Анын айтымында, көз боемочулар элди ишендирүү үчүн президент Садыр Жапаровдун сүрөтүн колдонушкан жана бул аракетти мамлекеттик долбоор катары сыпаттап жатышат.

“Айрыкча акчага байланышкан маалыматты расмий органдардан тактап алууга чакырабыз. Алдамчылардын торуна илинип калбаңыздар!” — деди Алагөзов.