Кыргызстанда акыркы суткада коронавирустан дагы 13 бейтап айыкты. Бул тууралуу саламаттыкты сактоо министринин орун басары Нурболот Үсөнбаев 8-май күнкү брифинг учурунда билдирди.
“Айыккандардын ичинен 6 бейтап Бишкектен, 6 бейтап Ош шаарынын, 1 бейтап Нарын облусунан айыгып чыкты”, – деди Үсөнбаев.
Ушуну менен өлкөдө COVID-19 инфекциясынан сакайып чыккандардын саны 650 болду.
