Кыргызстанда 1-февралга карата “үй-бүлөгө көмөк” жөлөкпулун алуучулардын саны 58,4 миң үй-бүлөнү түздү. Бул тууралуу Эмгек, социалдык камсыздоо жана миграция министрлигинен билдиришти.

Жөлөкпулду аталган үй-бүлөлөрдө жашаган 207,9 миң бала алат.

Эскерте кетсек, “үй-бүлөгө көмөк” 16 жашка чейинки балдары бар аз камсыз болгон үй-бүлөрлөргө берилет. Үй-бүлөнүн тапкан кирешеси ар бир адамга бөлгөндө 1 миң сомдон ашпашы керек.

Жөлөкпул ар бир балага 1 200 сомдон 16 жашка чыкканга чейин берилет. Ошондой эле бийик тоолуу жана алыскы аймактарда жашагандарга жөлөкпул тийиштүү райондук коэффициенттер менен эсептелет.

https://reporter.kg/yj-bylogo-komok-zholokpulun-dajyndoodo-muzdatkych-bashtagan-tirichilik-tehnikasy-esepke-alynbajt/