Кыргызстандык окуучулар Абу Рейхан Беруний атындагы эл аралык химия олимпиадасында 3 медаль тагынышты. Бул тууралуу Агартуу министрлиги билдирди.
Олимпиада 28-майдвн 6-июнга чейин Өзбекстанда өттү. Ага дүйнөнүн 15тен ашуун өлкөсүнөн келген мыкты окуучулар катышты.
Кыргызстандан Кахраманов Максатбек, Жапаров Эржан, Саматов Эрмек, Умхаева Мадина, Исаева Наима, Кадыров Арафаттар катышты. Жыйынтыгында үч окуучу байгелүү орундарды багындырды:
- Кахраманов Максатбек – күмүш медаль;
- Жапаров Эржан – коло медаль;
- Саматов Эрмек – коло медаль;
Министрлик бардык катышуучулар Кыргызстандын химия боюнча улуттук олимпиадасынын жыйынтыктарынын негизинде тандалып алынганын билдирди.
