Футбол боюнча Кыргызстандын аялдар курама командасы ФИФAнын жаңыланган рейтингинде 111-орунда турат.
Prosports.kg’нин маалыматына ылайык, 18-декабрда ФИФА аялдар курама командаларынын жаңыланган рейтингин жарыялады. Кыргыз курамасы 9 позицияга көтөрүлүп, 1 миң 118 упайга ээ болду.
Тизменин башында дүйнөнүн учурдагы чемпиону АКШнын командасы турат. Экинчи орунду Германия, үчүнчү орунду Франция курама командалары ээлейт.
