Бүгүн өлкө боюнча мектептерде жаңы 2025/2026-окуу жылы башталып, Биринчи коңгуроо кагылды.

Билим берүү министрлиги маалымдагандай, алгачкы сабактардын темалары төмөнкүчө болду:

• 1-класстар үчүн: «Мен мектепке бара жатам — билимдин кенчи!»;
• 2–4-класстар үчүн: «Менин сүйүктүү мектебим — гүлдөгөн Мекеним!»;
• 5–9-класстар үчүн: «Мен ким болгум келет жана бул жагынан “жаңы” мектеп мага кандай жардам берет?»;
• 10–11-класстар үчүн: «Келечектин билими: “Алтын казык” программасы мага эмне берет?».

Министрлик белгилегендей, “Алтын казык” программасы билим берүү системасын модернизациялап, 12 жылдык мектеп форматына өтүүнү көздөйт.

Быйыл 200 миңден ашык биринчи жана экинчи класстын окуучулары алгачкы жолу партага отурушту. Республика боюнча 2 394 мектеп бар, анын 224ү — жеке менчик. Жалпы 1,5 миллиондон ашык окуучу билим алууда, аларга 93 миңден ашык мугалим билим берет.