8-мартта Катар мамлекетинен Кыргызстандын 166 жараны кайтып келди. Бул тууралуу Тышкы иштер министрлиги билдирди.

Мекенине кайткандардын арасында Доха шаарындагы круиздик лайнерден чыгарылган жарандар бар. Жарандарды эвакуациялоо Катар жана Сауд Арабия өкмөттөрүнүн көмөгү менен ишке ашкан. Министрлик аталган өлкөлөргө жараянды уюштурууга көрсөткөн жардамы үчүн ыраазычылык билдирди.

Учурда Тышкы иштер министрлиги жана дипломатиялык өкүлчүлүктөр Жакынкы Чыгыштан башка жарандарды эвакуациялоо боюнча ишти улантууда.