Кыргызстанга Афганстандын соода министри баштаган делегация келди. Алар экономика министри менен жолугушуп, эки тараптуу кызматташуу маселелерин талкуулады. Бул тууралуу Экономика министрлиги кабарлады.

Жолугушуунун жыйынтыгында тараптар эки өлкөдө соода үйлөрүн ачууга, кызматташуу боюнча жол картасын ишке ашырууга жана соода-экономикалык кызматташтык меморандумуна кол коюуга макулдашты.