Мамлекеттик «Элдик Банк» ААКсы «Скай Мобайл» компаниясынын (Beeline Кыргызстан бренди) 100% акциясын сатып алуу боюнча келишимди жыйынтыктады.

Президенттик администрациянын маалыматына ылайык, Садыр Жапаровдун колдоосу менен ишке ашкан бул келишим улуттук кызыкчылыктарды бекемдөөгө, санариптик инфраструктураны өнүктүрүүгө жана экономиканы модернизациялоого багытталган.

Телекоммуникациялык активди сатып алуу аркылуу заманбап финансылык жана санариптик кызматтарды интеграциялоо, технологиялардын жеткиликтүүлүгүн жогорулатуу жана инновациялык өсүштү колдоо пландалууда.

Келишим ачык-айкындуулуктун жана корпоративдик башкаруунун эл аралык стандарттары боюнча жүргүзүлдү.