Максат ажы Токтомушев Кыргызстандын муфтий кызматына арыз берген жок. Бул тууралуу Reporter.kg’ге Аалымдар кеңешинен билидиришти.
Социалдык тармактарда Токтомушев муфтийлик кызматка кайтып келгендиги тууралуу ар кандай маалыматтар пайда болду.
Ушуга байланыштуу, Reporter.kg Муфтияттын басма сөз кызматы менен байланышканда бул маалыматты четке кагышты.
Андан ары Аалымдар Кеңеши редакцияга Токтомушев муфтийликке документтерин тапшырбагандыгын, бирок документтер 17-мартта саат 18: 00гө чейин кабыл алынарын маалымдады.
Белгилей кетсек, бүгүнкү күнгө карата Аалымдар кеңешине бул кызматка төрт адам документтерин тапшырган.
- Максат ажы Токтомушев ажылардын каражаты менен каржылык мыйзам бузууларга шектелип кармалган.
- Сот аны үй камагына чыгарды.
- Андан соң, мурдагы муфтий социалдык тармактарда пайда болгон УКМКнын кызматкерлерине пара сунуштап жатат деген видео боюнча комментарий берди.
