Быйыл 8 айда Мамлекеттик камсыздандыруу уюму үйү жаратылыш кырсыктарынан, анын ичинде селден жана өрт кырсыгынан жапа чеккендерге 36 млн сомдон ашык акча төлөп берди. Бул тууралуу аталган уюмдан билдиришти.
Уюм жарандарды турак жайын камсыздандырууга чакырат.
Белгилей кетсек, шаар жерлеринде турак үйдү камсыздандыруу 1 жылга 1200 сом, айыл жергесинде 600 сом турат. Кандайдыр бир кырсык (камсыздандыруу учуру) болгондо, шаарда 1 млн сомго чейин, айылда 500 миң сомго дейре кенемте төлөнүп берилет.
