Манас шаарында санаторияга бара жаткан жолдун четине отургузулган гүлдөр белгисиз адамдар тарабынан талкаланды. Бул тууралуу шаардык мэрия билдирди.

Маалыматка ылайык, коомдук жайдагы мындай көрүнүш шаардын көркүнө гана эмес, тургундардын маданиятына жана жоопкерчилигине да көлөкө түшүрөт.

– «Ар бир түп гүл – Көрктөндүрүү жана жашылдандыруу чарбасынын кызматкерлеринин түйшүктүү эмгеги, ал биздин салыктардан жыйналган каражатка өстүрүлөт», – деп белгилешти мэриядан.

Милиция бул фактыны Жалал-Абад шаардык милициясынын электрондук каттоо журналына киргизгенин жана учурда териштирүү иштери жүрүп жатканын кабарлады.