8-апрель күнү коронавирус жуктуруп алгандыгы аныкталган 42 адамдын 13ү медицина кызматкерлери. Бул тууралу саламаттык сактоо министри Сабыржан Абдикаримов брифинг учурунда билдирди.

Алар Бишкекте ЦГСНде 1, Ош шаардык инфекциялык ооруканада 8 (4 дарыгер жана 4 медайым), “Азия кардио” борборунда  3 (дарыгер жана 2 медайым).

Кечээ, 7-апрелде 7 медицина кызматкери коронавирус жуктуруп алгандыгы белгилүү болгон.

Бүгүнкү күнгө карата ооруну жуктуруп алган  медиктердин жалпы саны 32 адамга жетти. Алардын ичинен Бишкекте 4, Ош облусунда 20, Жалал-Абад облусунда 7, Баткен облусунда 1 дарыгер ооруну жуктуруп алган.

Ал эми  коронавирус илдети  Кыргызстанда 270 адамга жукту. Алардын 35и сакайып чыгып, 4 адам каза болгон.