Аба ырайынын өзгөрүшүнө жана кар жааганына байланыштуу Бишкек-Ош унаа жолунун Төө-Ашуу ашуусунда 11-февраль кечки саат 03:40тан тарта оор жүк ташуучу унааларга убактылуу чектөө киргизилди. Бул тууралуу Транспорт жана коммуникациялар министрлиги билдирди.

Учурда жолдорду тазалоо жана кум-туз аралашмасын себүү иштери жүргүзүлүүдө.

Суусамыр-Талас-Тараз унаа жолунун Өтмөк ашуусунда кар жаап жатканына карабастан, жол ачык жана транспорттук каттам бар.

Министрлик айдоочуларды каршы тилкеге чыкпай, жол эрежелерин сактоого жана унаалардын дөңгөлөктөрүн кышкыга алмаштырууга чакырат.