Коронавирус инфекциясынын жана пневмониянын экинчи толкунун күтүп, дарыканалардан көп сандагы ашыкча дары-дармектерди сатып алуунун эч кажети жок. Мындай билдирүүнү саламаттык сактоо министринин орун басары Нурболот Үсөнбаев брифингде билдирди.
Ал үй шартында дары-дармекти туура эмес сактоо коопсуздугу бар экенин эскертти.
«Үй шартында дары-дармек каражаттарын туура эмес сактоо анын курамынын өзгөрүшүнө алып келиши ыктымал, кесепетинде ал дарыны ичүү натыйжасыз болуп же ден соолугуңузга зыян тийгизиши мүмкүн», — деди Үсөнбаев.
Ошондой эле министрликтин өкүлү жеке жактардын колунан дары-дармектерди сатып алуу сунушталбай турганын айтты
«Анткени алардын жасалышы жана сактоо шарттары белгисиз. Бул дагы адамдын ден соолугуна кооптуу», — деп кошумчалады ал.
