Алтынбек Намазалиев Чүй облусунун ыйгарым укуктуу өкүлү кызматынан бошотулду. Бул тууралуу өкмөттүн маалымат кызматынан билдиришти.
Анын ордуна аталган облустун ыйгарым укуктуу өкүлү болуп Мирбек Мияров дайындалды. Тийиштүү буйрукка премьер-министр Садыр Жапаров кол койгон.
Мирбек Мияров 1984-жылы Чүй облусунун Жетиген айылында туулган. Ал Кыргыз Республикасынын президентине караштуу мамлекеттик башкаруу академиясын инженердик менеджмент адистиги боюнча аяктаган.
Эмгек жолу:
2005 — 2010 — Бишкек шаардык телефон түйүнүнүн инженери;
2012 — 2019 — «Моби Строй» ЖЧКсынын башкы директору.
Мияров быйылкы парламенттик шайлоодо «Ордо» саясий партиясын жетектеп чыккан.
