Москва шаарында эл аралык издөөдө жүргөн “Узун Улан” каймана аттуу уюшкан кылмыштуу топтун активдүү мүчөсү Б.У.К. кармалып. Бул тууралуу Ички иштер министрлигинин басма сөз кызматы билдирди.

Маалыматка ылайык, 52-жаштагы Б.У.К. Камчы Көлбаевдин эң жакын жана ишенимдүү адамы болуп, анын жеке коопсуздугуна жооп берген. Ал бир нече жолу криминалдык чыр-чактактарга катышкан, андан сырткары, “общак” кылмыш казынасын толтуруу максатында опузалоо менен ишкерлерден коммерциялык фирмаларды жана кыймылсыз мүлктөрдү тартып алган.

ИИМ аталган жаран 2019-жылы Бишкек шаарынын аймагында чет өлкөлүк ишкерге кол салып, ири өлчөмдөгү мүлкүн ээлеп алууга айыпталууда.

Учурда шектүү Бишкекке алынып келинип, тергөө иштери жүрүп жатат.