Бишкекте таштанды жайлары алынып, алардын ордуна таштанды талаасы пайда болууда. Бул тууралуу Reporter.kg агенттигине окурман кабарлап, видео жөнөткөн.

Видеодо ал үйүлгөн таштандыларды көрсөтүп, таштанды жайы алынгандан кийин деле адамдар ал жерге таштандыларды ыргытып жатышканын айткан.

Окурмандын айтымында, «Тазалык» ишканасынын унаалары таштандыларды жумасына бир жолу алып кетишет, бирок бул жетишсиз. Таштандылар үйүлүп калбашы үчүн, аларды бир жумада жок эле дегенде үч жолу алып кетүү керек.