Asman Airlines компаниясынын учагы Нарынан алгачкы жүргүнчүлөрүн Бишкекке алып учту. Бул менен Нарын – Бишкек аба каттамы 26 жылдан кийин кайра жанданды. Бул тууралуу аэропорттон кабарлашты.

Маалыматка караганда, Нарындагы аэропорт толук реконструкциядан өтүп, 500 чарчы метрлик жаңы аэробекет курулган. Ошондой эле учуп-конуу тилкеси толугу менен оңдоп-түзөлүп, асфальт төшөлдү.

Аэропорттун расмий ачылышы 8-сентябрга пландалып, ага Кыргызстандын президенти Садыр Жапаровдун катышуусу күтүлүүдө.

Жаңыдан жанданып жаткан каттам Нарындагы тургундардын каттоосун жеңилдетип, аймактын социалдык-экономикалык өнүгүшүнө өбөлгө болот деп күтүлүүдө.