Президенттин Нарын облусундагы ыйгарым укуктуу өкүлүнүн эки орун басары кызматынан бошотулуп, алардын ордуна жаңы жетекчилер дайындалды. Бул тууралуу Министрлер кабинетинин маалымат кызматы билдирди.

Аталган маалыматка ылайык, Президенттин ыйгарым укуктуу өкүлүнүн биринчи орун басары Сапаров Адыл Солтоевич кызматынан бошотулуп, анын ордуна Сапарбеков Руслан Жайлообекович дайындалды.

Мындан тышкары, орун басарлык кызматты аркалап келген Шабдан Абдырайым уулу кызматтан кетип, анын ордуна Иманалиева Айдана Керимбековна дайындалды.

Кызматтан бошотуу жана дайындоо боюнча тиешелүү чечимдерге Министрлер кабинетинин төрагасы Адылбек Касымалиев кол койгон.