Нарын мамлекеттик жаратылыш коругунда эковолонтерлор менен бирге 10 күндүк илимий-изилдөө экспедициясы уюштурулду. Бул тууралуу Жаратылыш ресурстары министрлиги билдирди.

Маалыматка ылайык, экспедиция жапайы жаратылышты көзөмөлдөө, биологиялык ар түрдүүлүктүн абалын баалоо жана мурдагы жылы орнотулган фотокапкандар аркылуу маалымат чогултуу максатында өткөн.

Фотокапкандар аркылуу жапайы жаныбарлардын жашоо чөйрөсү жана популяциясы тууралуу баалуу маалыматтар алынып, алар коруктун илимий архивине киргизилген.

Ошондой эле иш-чара учурунда жаныбарлардын жана канаттуулардын жүрүм-турумуна мониторинг жүргүзүлүп, жаратылыштын учурдагы экологиялык абалы боюнча бир катар илимий байкоолор жүргүзүлгөн.