Бишкек шаарында Азербайжан мамлекетинин демилгеси менен заманбап оорукана курулат. Бул тууралуу президенттин иш башкармалыгынын жетекчиси Каныбек Туманбаев борбор калаадагы Эне жана баланы коргоо улуттук борборунун жаңыланган имаратын кайра ишке берүү аземинде билдирди.

Анын айтымында, учурда бул долбоор боюнча даярдыктар жүрүп жатат.

“Азербайжан мамлекетинин демилгеси менен дагы бир чоң салым кошулганы турат. Алгач бул долбоор Ысык-Көлдө курулат деп пландалган, бирок Кыргызстандын президентинин Азербайжанга болгон акыркы расмий сапарындагы сүйлөшүүлөрдүн жыйынтыгында бул оорукана Бишкек шаарында курулмай болду. Азыркы тапта даярдыктар жүрүп жатат, толук жабдылган, заманбап оорукана болуп калары күтүлүүдө”,- деп билдирди.