Нарын облусунун Ат-Башы районунда мал айдап келүүгө кетип дайынсыз жаткан эркек кишинин сөөгү табылды. Бул тууралуу Өзгөчө кырдаалдар министрлигинин маалымат кызматы билдирди.

Маалыматка ылайык, 28-июнь күнү Өзгөрүш айыл аймагынын Жаңы-Жер жайлоосунун Беш-Мойнок тилкесинен 1972-жылы туулган И.К. аттуу эркек киши ат минип кетип, аты келип өзү дайынсыз жоголгон. 30-июнь күнү жерине издөө иштерин жүргүзүүгө Ат-Башы райондук №45 ӨКБдан 5 куткаруучу, ИИМден 10 кызматкер жана жергиликтүү тургундардан 10 адам тартылып, Таш-Тумшук тилкесинде суунун жээгинен сөөгү табылып, ИИМ кызматкерлерине өткөрүлүп берилген.