24-26-март күндөрү боло турган жаан-чачынга байланыштуу өлкөнүн тоолуу райондорунда жана ашуудагы жолдордо кар күрткүсү жана кар көчкү түшүүсү күтүлүүдө. Бул тууралуу ӨКМ билдирди.
Кар көчкү төмөнкү унаа жолдорго түшүүсү мүмкүн:
- Бишкек – Ош жолунун Төө-Ашуу, Ала-Бел ашууларында, Чычкан капчыгайында;
- Каракол – Эңилчек жолунун Чоң-Ашуу ашуусунда;
- Ала-Бука – Каныш-Кыя жолунун Чапчыма ашуусунда;
- Красная-Горка – Акташ жолунун 1-2-чакырымдарында.
Бул күндөрү муз тоңуп, жолдор тайгак болот. ӨКМ айдоочуларга унаалардын ортосундагы 500 метр аралыкты сактоо керектигин эскертти.
