Өкмөт 2025–2030-жылдарга карата “Үмүт” аттуу жаңы улуттук программаны ишке киргизүүнү пландап жатат. Программанын негизги максаты — Даун, Эдварс синдрому сыяктуу тубаса оорулардын алдын алуу.

Министрликтин маалыматына ылайык, долбоор боюнча кош бойлуу аялдар 11–13 жана 18–21 жумада милдеттүү түрдө скринингден өтүшү керек.

Бул максатта ар бир облуста адистештирилген скрининг борборлору ачылып, алар УЗИ аппараттары жана биохимиялык анализаторлор менен жабдылат.

Расмий маалыматтар боюнча, Кыргызстанда жыл сайын 2,5 миңден ашык бала тубаса оорулар менен төрөлөт, ал эми акыркы төрт жылда мындай диагноз коюлган балдардын саны 18 миңге жеткен.