Кыргызстанда окуу жайлар бүтүрүүчүлөргө дипломду мамлекеттик аттестация болгондон кийин бир айдан кечиктирбей бериши керек. Бул тууралуу Билим берүү жана илим министрлиги билдиргенин Жогорку Кеңештин депутаты Дастан Бекешев «Фейсбуктагы» баракчасына жазды.
Эгер дипломду берүү кечиктирилсе, бүтүрүүчү окуу жайдын ректорлугуна же министрликке кайрыла алат.
2023-жылы Кыргызстанда 135 орто кесип окуу жайы бар болуп, аларда 121 миң студент билим алган. Ошондой эле 58 жогорку окуу жай бар болуп, аларда 223 миң студент окуган.
