Кыргызстандагы мамлекеттик жана жеке бала бакчаларга камералар орнотулат. Мындай тапшырманы министрлер кабинетинин төрагасы Адылбек Касымалиев бергенин өкмөттүн маалымат кызматы кабарлады.
Мындай чечим бала бакчаларда тартип орнотуу, ишин көзөмөлдөө, коопсуздук чараларын күчөтүү максатында кабыл алынган.
Бул демилге тиешелүү мамлекеттик органдардын жана мекемелердин катышуусунда ишке ашырылат.
Белгилей кетсек, Кыргызстанда бала бакчанын тарбиячылары балдарга кол көтөрүп, урган учурлар болуп келет.
