Ооганстандын бийлиги Пакистанды жарандык инфратүзүмдүк объекттерге абадан сокку урууга айыптады. Өлкөнүн жогорку лидеринин басма сөз катчысы Забиулла Можахеддин билдирүүсүнө ылайык, өткөн түнү Пакистандын Аскердик-аба күчтөрүнүн бутасы Кандагардагы күйүүчү май сактагычтар болгон.

Можахеддин айтымында, сокку Кандагар аэропортуна жакын жайгашкан «Kam Air» жеке авиакомпаниясынын резервуарларына урулган. Бул ишкана жарандык авиалинияларды гана эмес, БУУнун учактарын да күйүүчү май менен камсыздап турган. Мындан тышкары, жергиликтүү ишкер Хажи Ханзадеге таандык күйүүчү май сактагыч да аткылоого кабылган.

Пакистан аскерлеринин чабуулдары өлкөнүн бир эле учурда бир нече провинциясында катталган:

• Кабул;
• Кандагар;
• Пактика;
• Пактия.

Ооган тараптын басма сөз катчысы түнкү бомбалоолордун натыйжасында тынч жашоочулардын арасында ири жоготуулар (курмандыктар) катталганын баса белгиледи.

Аймактагы аскердик-саясий кырдаал үстүбүздөгү жылдын февраль айынын аягында кескин курчуп кеткен. Ооганстан чек арадагы бир катар бомбалоолорго жооп катары Пакистандын күчтөрүнө каршы аскердик операция баштаган. Өз кезегинде расмий Исламабад талибдер менен ачык согуш башталганын жарыялаган. Учурда коңшу мамлекеттердин ортосундагы согуштук аракеттер уланууда.