Кыргызстан жер титирөөдөн жабыркаган Ооганстанга гуманитардык жардам көрсөтөт. Бул тууралуу Өзгөчө кырдаалдар министрлиги билдирди.

Ооган элине 100 тонна азык-түлүк ( 75 тонна ун, 20 тонна кумшекер, 5тонна суумай), 500 керебет, 500 жууркан, 500 төшөк жеткирилет.

Министрликтин маалыматында, 1 миллион сомго аялдар жана балдарга кышкы кийим-кече, бут кийим, оюнчук,  гигиеналык каражаттар алынды.

Эске салсак, 2023-жылдын 7-октябрында Ооганстанстандын Герат шаарынын түндүк-батыш тарабында очогунда күчү 6,3 балл болгон жер титирөө катталып, 2 миңден ашык адам каза болду.

Биздин Телеграм каналга катталыңыз