Бишкекте жаш жигиттин ичине бычак сайган шектүү кармалды. Бул тууралуу Биринчи май райондук милициясынан билдиришти.

Маалыматка караганда, 20-ноябрга караган түнү Ден Сяопин көчөсүндө 23 жаштагы жигит ичине бычактан жараат алып, №1 шаардык клиникалык ооруканага тез жардам менен жеткирилген. Бул боюнча милицияга кабарланган.

Аталган фактыга байланыштуу Кылмыш-жаза кодексинин 130-беренеси (ден соолукка оор залал келтирүү) боюнча кылмыш иши козголгон.

Ыкчам-тергөө иштеринин натыйжасында шектүү катары 23 жаштагы Ж.М. аттуу жаран кармалып, убактылуу кармоочу жайга камакка алынган.

Учурда шектүүнүн башка кылмыштарга катыштыгы бар же жок экендиги текшерилүүдө.

Иликтөө иштери уланууда.

Биздин Телеграм каналга катталыңыз